ХҮҮХДИЙГ ЗОДОЖ, ШИЙТГЭХИЙГ ТАСЛАН ЗОГСООЁ!
Жил бүрийн дөрөвдүгээр сарын 30-ны энэ өдөр бол хүүхдийн бие махбод, сэтгэл санааны шийтгэлийг таслан зогсоохын чухлыг олон нийтэд сануулах олон улсын өдөр юм.
Монгол Улс Хүүхдийн эрхийн тухай болон Хүүхэд хамгааллын тухай хуулиар бүх орчинд хүүхдийг зодож шийтгэхийг хуулиар хориглосон улсуудын нэг билээ.
Хүүхэд хамгааллын тухай хуулийн 22 дугаар зүйлийн 22.4-т “Эцэг, эхэд хүүхэдтэй холбоотой эрхээ урвуулан ашиглах, хүүхдийг үл хайхрах, зүй бус харьцах, бие махбодын шийтгэл хэрэглэх, гутаан доромжлохыг хориглоно.” гэж заасан. Хүч хэрэглэх нь хүмүүжүүлэх арга биш.
